"Timmy! Kumuha ka lang ng kumuha ng gusto mong kainin dyan! Libre ko lahat." Sabi ko bago tinungga ang isang bote ng red horse.
Inaya ko si Cassandra sa Ihaws&Drinks na palagi naming tinatambayan simula noong college kami. Puro ito mga ihaw-ihaw kung saan bawat table ay may sariling lutuan. Kami ang bahala kung paanong luto ang gagawin namin. Ibibigay sa amin ang mga hilaw, pero timplado nang mga isaw, dugo at marami pang iba.
Gusto ko lang makalimutan ngayon lahat ng masasakit na nangyari sa akin. Kahit kailan ay hindi pumasok sa isip ko na tatanggihan niya ang proposal ko, kasi magkasama kami noong magplano sa pagbuo ng pamilya, e. Hindi ko naramdaman na hindi na pala ganoon ang gusto niya. Na ayaw na pala niya akong pakasalan dahil pagod na siya at hindi na siya masaya.
"Maghinay-hin
