LUMIPAS ang maraming araw at mas lalong lumalala ang kondisyon ni Yannah. Palagi siyang naghahanap ng mga pagkain na dati ay hindi naman niya kinakain. Palagi siyang galit at kung minsan naman ay umiiyak. Kahit na nakakatawa ang biro ng kaibigan niyang si Flora ay sumisibangot siya.
Tanghaling tapat na at nakakulong lamang siya sa kwarto. Hindi siya makalabas dahil sariwang-sariwa pa rin ang isyu tungkol sa kanila. Nais man niyang maggagala ay hindi niya magawa. Madalas kung isipin niya ang kaibigang si Dianna na ngayon ay wala na sa programang minsan niyang pinangarap. Ang paggawa ng isang katatakutan. Maging si Tristan ay binabatikos ng media. Dumalang ang appointment nito para sa kaniyang pagiindurso ng kung ano-anong produkto. Halos mawalan silang dalawa ng trabaho dahil sa nangyari.
