IBINAGSAK ni Dianna sa silya ang hawak niyang coat at saka umupo. Nasa taping pa rin sila at pagod na pagod.
"Gaano karami pa bang scene ang kailangang i-take ngayon? Dry na dry ang skin ko sa lamig!" salubong ang kilay niyang reklamo.
Nasa harapan niya sila Bongu at Sheila na kanina pa tumitiklop sa kaniya. Badtrip na siya't ayaw niya na ring makita ang pagmumukha ni Tristan. Sobrang init ng dugo nito sa ka-trabaho. Gusto na lamang niyang umuwi kaysa sa matagal pa niya itong makita at makasama.
"Last na po yata iyon, Ma'am," sagot ni Sheila. Hinawakan niya ang kamay ni Dianna para lagyan ng pampapula ang mga daliri nito.
"Ma'am, matanong lang po namin. Bakit po ba galit na galit kayo kay Sir Tristan?" napaka-chismosong tanong ni Bongu na pinagsalubungan ng kilay ni Dianna.
"Matanong
