NANG malaman ni Yannah ang nangyari kay Dianna at Tristan ay agad niyang pinuntahan ang kaibigang si Dianna upang samahan.
Pinabili siya nito ng maraming pagkain at konting nakakalasing na inumin. Masyado na raw maraming stress ang kaibigan niya at ito ang kauna-unahang hiniling ni Dianna sa kaniya nang magsabi siyang pupuntahan niya ito.
Kilala ni Yannah ang kaibigan. Alam niyang may gagawing kalokohan ang babaeng iyon dahil sa padalos-dalos ito kung magdesisyon at gumawa ng aksyon kapag galit.
Sa limang taon na hinaba ng relasyon ng dalawa ay si Yannah ang nagiging takbuhan ng dalaga hanggang sa mga panahong ito. Nang makarating si Yannah sa unit ng dalaga ay inabutan niya ito sa sala na nakasalampak sa sahig at may mga plato nang nakahapag sa lamisita. Suot nito ang maluluwag na p
