ILANG araw na kaming hindi nag-uusap ng maayos ni Tristan. Hindi na rin niya ako inihahatid sa taping. Nagsimula na kasi ang shoot namin pero iyong mga patikim pa lang na dapat abangan.
Si Daryll na ang palaging pumupunta sa bahay para ihatid at sunduin ako. Marahil ay inutusan siya ng kaniyang kaibigan.
Hindi ko alam kung hanggang kailan kami magkakaganito ni Tristan. Sinusuyo ko naman siya at humihingi ako ng tawad kaso ayaw niyang tanggapin iyon. Ang gusto talaga niya ay bitawan ko ang trabaho ko ngayon pero nakapirma na kasi ako ng kontrata. Magagalit sa akin si Mama kapag nalaman niyang tatanggihan ko ang kontrata, e, pumirma na ako. Hindi naman gano'n kadali magpatanggal ng kontrata. Wala akong choice kung hindi ang ituloy iyon sa ayaw at sa gusto niya. Maraming rules and regulatio
