NAHULI kong sumasayaw sa tuwa si Tristan habang naglalakad papunta sa elevator. Naingisi ko na lamang ang aking mga labi. Kalalabas ko lang ng unit ko at kailangan ko na namang magpunta sa taping.
"Tuwang-tuwa ka, ah?" Pinag-krus ko ang aking mga braso at taas kilay siyang tinignan. Ilang sandali pa ay natigilan siya at nilingon kung sino ang nagsalita mula sa likuran niya.
Lalo kong itinaas ang isa kong kilay. Mas lalo kong pinataray ang pagmumukha ko.
Kinamot niya ang kaniyang ulo nang makita ako at naglakad pabalik upang puntahan ako. Kinuha niya ang dalawang bag na dala ko.
"Pasok na tayo," umiiwas ng tinging wika niya at hinawakan ang likuran ko para maglakad na kami ngunit hindi ako umalis sa kinatatayuan ko.
Nakatitig ako sa mukha niyang pinipilit niyang iiwas sa akin. Pinangmu
