GINISING ang kaluluwa ko ng cellphone na malakas na tumunog habang nasa kalagitnaan ako ng isang malalim na panaginip.
Nakapikit at nakadapa ang katawan kong hinanap ng kamay ko ang cellphone ko. Kunot ang noo ko nang makapa ko iyon sa gilid ng lamp na nagbibigay liwanang sa madilim-dilim ko pang kwarto.
Sinagot ko ang tawag na iyon nang hindi bumabangon at dumidilat. Itinapat ko iyon sa tainga ko habang ang mukha ko ay natatabingan ng mahaba at makapal-kapal kong buhok dahil sa magulo nitong itsura.
"Hello? Bakit?" hindi maipinta ang mukha kong tanong.
"Hello, Ma'am? Assistant po ito ni Director Kim, maaga po kayong pinapupunta sa office niya mamaya para pag-usapan ang bagong kontratang lumabas."
Naimulat ko ang aking mga mata nang antok na antok at patuloy na nagkunutan ang aking
