PUMASOK ako sa unit niya nang hindi nagpapaalam. Oo, alam ko ang passcode niya ngunit ngayon ko lang ginawa sa loob ng limang taon naming relasyon ang pagpasok sa unit niya nang walang paalam. Madalas kasi ay siya ang nagpupunta sa unit ko kaya’t hindi ko kailangang pasukin ang unit niya.
"Tristan?” Kunot ang noo kong tinawag ang pangalan niya. Dahan-dahan ko ring inihahakbang ang mga paa ko upang hindi makagawa ng malakas na ingay.
Hindi ko na kasi matiis pang hindi siya makita gayong alam kong nagtatampo siya sa akin. Pakiramdam ko ay nagseselos si Tristan. Kilala ko na iyon! Ayaw no’n ng may ibang lalaki akong nakakasama bukod kay papa at sa kaniya.
“Tristan, Babe?” muli kong tawag sa kaniya.
Malinis ang buong kapaligiran. Wala akong makita na kahit na ano’ng kalat sa un
