PAGDATING sa unit ko, nakalalangong inumin kaagad ang ininom ko. Gusto kong makalimutan ang sakit. Gusto kong makalimutan kahit na panandalian lang ang nangyari.
"Bakit ba kasi ganoon?" natatawa habang naiiyak kong tanong sa aking sarili.
Naghahalo na ang lahat ng emosyon sa dibdib ko. Para akong sasabog. Para akong nadudurog. Para akong ibinabaon sa ilalim ng lupa sa sakit na aking dinadala. Kulang na lang ay umiyak ako ng sariwang dugo sa sakit. Sobrang sakit! Walang kapantay ang nararamdaman kong pighati.
"Ginawa ko naman ang lahat, ah? Ibinigay kong lahat. B-Bakit nagawa sa akin ito ng sarili kong nobyo? Nagpaplano na kaming magpakasal. May bahay at lupa na kami. May mga sasakyan. Kumpleto na ang gamit sa bahay. Kami na lang ang kulang. Kasal na lang at makakalipat na kami. Pero ba
