TUNOG ng door bell ang pumutol sa paglalakbay ng isip ko sa nakaraan. Tinatamad na bumangon ako para pagbuksan ang delivery boy. Nag-order ako ng pizza bago ako nagbabad sa Love&Life kanina.
Lumabas ako ng silid at tinungo ang pinto. Hindi na ako nag-aksayang ayusin ang sarili ko. Maikling shorts lang ang suot ko katerno ang tank top, parehong puti. Magulo ang buhok ko, lagi naman kapag mag-isa ako at abala sa Love&Life o kaya sa laptop ko.
Hinila ko pabukas ang pinto—upang maestatwa lang nang hindi delivery boy ang napagbuksan ko. Nakaramdam agad ako ng panghihina na hindi ko alam kung saan nanggaling. Ang kamay kong nakahawak sa door knob ay naramdaman kong nagsimulang manginig.
Hindi ko napaghandaan ang oras na iyon. Masyado pala akong naging kampante. Masyado akong nag-relax. Hindi
