PAGKATAPOS makapagtimpla ng kape ni Alexander ay kaagad na inihatid ni Diana iyon sa silid ng lalaki.
Kumatok siya saka marahang binuksan ang pinto ng opisina. Kagaya kanina ay nakayuko pa rin ito sa mga papel na nakakalat sa mesa.
“Heto na ang kape mo,” aniya sabay lapag ng kape sa mesa nito.
Nanatili itong abala kaya naman lumabas na siya ng silid. Laman ng kanyang isipan si Alexander habang nagluluto dahil sa malamig na pakikitungo nito sa kanya. Para itong may kinikimkim na galit sa kanya. Pero hindi niya naman matukoy kung ano.
Kahit pa noong gabing may mangyari sa kanila ay ramdam pa rin niya ang galit sa loob nito. Hindi ba dapat siya ang nagagalit ngayon sa kanilang dalawa? But here she is, trying to solve what was on his mind.
Oo. Sa kabilang banda ay gusto rin niyang alamin
