MULA sa driverʼs seat ay bumaba si Alexander para pagbuksan si Dianna ng pinto upang makababa rin sa kotse. Awtomatikong napatingala si Dianna sa taas ng nagmamalaking building sa kanyang harapan at mababasa roon ang pangalang CREED TOWER. Nang mabasa iyon ay nakumpirmang ang lalaking kanyang katabi ngayon ang siyang nagmamay-a*i ng lugar na iyon.
Pagpasok pa lamang sa entrance niyon ay kaliwaʼt kanan ang bumabati sa kanila. Maluwang ang receiving area at maraming puwedeng upuan. Bawat kagamitan ay masasabing hindi basta-basta ang halaga. Masasabi rin ni Dianna na ang mga nakatira sa lugar na iyon ay pawang mga kagaya lamang din ni Alexander na may ginintuang kutsara sa bibig.
Tahimik lamang siya na umagapay sa paglalakad kay Alexander habang may isang lalaking naka-coat ang nakasunod sa
