“KATRINA?” Narinig ni Katrina ang tinig na iyon mula kay Frederick.
“Kumusta ka, Fred?” nahihiyang ganti niya rito saka muling hinarap si Alexander.
Mula nang marinig niya ang sinabi ni Nancy tungkol sa utang ng kanyang asawa kay Alexander ay kaagad siyang kumilos upang malaman ang address ng condo unit ng binata sa Maynila. Dahil natitiyak din naman niya na wala ito sa bahay kung saan sila tumuloy ng anak.
Mabuti na lamang din ay mayroon siyang numero ni Maria. Dito niya nakuha ang address. Bukod kay Maria ay wala nang iba pa ang nakakaalam ng kanyang pagsadya kay Alexander dito sa Maynila.
Bago pa man siya lumuwas ay determinado at buo na ang kanyang loob na ikumpisal ang lahat ng kanyang mga kasalanan sa anak ng kanyang dating matalik na kaibigan. Hindi na kaya ng kanyang konsensy
