“MA! Saan ka po ba nagpunta? Sobra akong nag-alala sa inyo,” mangiyak-ngiyak na turan ni Dianna nang umuwi ang kanyang ina.
Nagmano siya sa ina at kinuha ang dalang bag ng nito. Pinag-aralan niya sandali ang ayos ng kanyang ina. Mukhang naman itong maayos maliban sa mata nitong namumugto. Sobrang nag-alala si Dianna sa ina dahil umaga pa lang ay hindi na niya ito makita sa kuwarto. Maghapon siyang naghanap dito.
Hindi pa man ito nakasasagot ay sumulpot na sa likuran nito si Maria. Naguguluhang tiningnan niya ang dalawa.
“Pinuntahan ko si Alexander, anak,” sagot ng kanyang ina.
Napamulagat siya. Sadyang hindi niya inaasahang gagawin nito iyon. Bakit?
Ngunit nais man niyang magalit ay pinigilan niya iyon at nagmukhang tila hindi apektado sa sinabi ng kanyang ina.
“S-sige po, Ma. Magpah
