WALA sa loob na naibagsak ni Dianna ang hawak na kutsara nang marinig nito ang sinabi ng ina. Si Alexander naman ay mataman lang na nakikinig sa mag-ina.
“Si Alexander po?
Kitang-kita sa mukha ng dalaga ang disgusto sa ideyang magtatrabaho siya sa farm nito.
“Anong kalokohan ito? Bakit ka nag-apply sa amin?” biglang baling naman nito sa kanya.
Hindi siya nagsalita upang hindi na madagdagan pa ang inis sa kanya ni Dianna. Para bang nababasa rin niya sa mukha nito ang pagnanasang saksakin siya ng mismong hawak nitong tinidor.
“Dianna,” biglang pigil naman ng ina nito.
Binalingan ito ng anak. “Ma, talaga bang sasakyan mo ang kalokohan ng lalaking ʼto? Marami pang iba dʼyan na puwedeng i-hire. ʼWag lang siya.”
“Pero, anak. Gusto talaga niyang magtrabaho rito sa atin. Pagbigyan mo n
