MARAHANG iminulat ni Dianna ang mga mata mula sa pagkakahimbing. Kaagad na sumalubong sa kanyang paningin ang pamilyar na cabinet sa dulo ng kanyang higaan.
Mabilis niyang inalala ang dahilan kung bakit kasalukuyan siyang naroon ngayon sa kuwarto. Kaagad siyang napabangon nang maalalang si Alexander ang huli niyang kausap kanina bago mawalan ng malay.
Akmang lalabas na siya ng silid nang siya namang biglang pagpasok ni Alexander sa pinto ng kanyang kuwarto. Mabilis siyang napatras. Naalerto rin siya dahil nasa iisang kuwarto lamang sila ngayon ng lalaki at para sa kanya ay hindi maganda iyon.
Iba na ang suot nito at mukha ring bagong paligo.
'Damit pa talaga ng papa ko ang suot niya. Eh, galit nga siya sa papa ko!'
“Gising ka na pala. I got so worried about you when you passed ou
