“DIANNA!” hiyaw ni Katrina sa ginawang pagsuntok ni Dianna kay Alexander.
Hindi inaasahan ng binata ang gagawing pagsuntok ng dalaga kaya naman ay nawalan ito ng panimbang at bumagsak sa sahig. Ngunit hindi lamang iyon ang nangyari. Dahil gawa lamang sa plastik ang mesa nina Dianna at ang paa niyon ay nabangga pa ni Alexander, mabilis na natumba ang baso na may lamang juice na nakapatong sa mesa. Ang likidong natapon ay nasalo lahat ng binata.
Napasinghap si Alexander dahil sa malamig na juice na bumuhos sa kanyang mukha at katawan. Lahat ng naroon ay nabigla sa kanyang ginawa. Habang siya naman ay lihim na nasaktan ang kamay sa pagkakasuntok kay Alexander.
'Ang sakit. Para akong sumuntok ng pader!' lihim niyang daing
Hawak ang pisnging nagsalita si Alexander. “Why did you do that?
