(A mother’s love)
UMUWI SI Garette sa tahanan ng mga Alvarez. Dumiretso siya sa kanyang silid at pumasok sa banyo. Mabilis na hinubad ang mga damit saka ibinabad ang katawan sa ilalim ng dutsa. Hindi pa rin mawala sa kanyang isipan ang huling yakap at halik na iginawad niya kay Fortney. Magaan lang iyon ngunit ramdam niya ang init ng katawan nito para sa kanya.
May isang bagay na bumagabag sa kanyang kalooban. May kakaiba kay Fortney at hindi niya mawari iyon.
Bigla na lamang itong nanghina at nakaramdam ng pagkahilo. Nataranta siyang lalo nang mawalan ito ng malay kaya agad niya itong binuhat upang ipasok sa kanyang sasakyan at dalhin sa malapit na hospital.
Ngunit biglang dumating si Karen na parang matagal na itong nandoon. “Garette, sa sasakyan ko na lang.” Itinuro nito ang sasaky
