(For the last time)
HINDI AGAD NAKAKILOS SI Fortney nang makita si Garette. Pinili niyang sa isang park malapit sa VHR sila magkita. Iniiwasan niyang hindi mapigilan ang sarili kung doon mismo sa VHR siya makikipagkita. Nais niyang ayusin na ang lahat. Nais na niyang tuldukan ang naging relasyon nila ni Garette.
Bigla niya tuloy na-miss ang mahaba nitong buhok na abot hanggang balikat nito na kapag magkatabi sila sa higaan ay nilalaru-laro niya. Sobrang nae-enjoy niya iyon. Kahit namay mahaba itong buhok ay hindi nabawasan ang kagwapuhan ng lalaki. Lalo nga itong gumandang lalaki sa paningin niya.
“Hi,” bati nito nang makalapit sa kanya. “Kanina ka pa ba?” Nakasuksok ang dalawa nitong kamay sa bulsa nito, bagay na hindi niya nakasanayang makita sa lalaki.
“Hindi naman. Halos kararatin
