(The Beginning of the search)
MAHINA AT SUNUD-SUNOD na katok sa pinto ang ikinalingon ni Don Lucio. Pamilyar na pagkatok mula sa kanyang butler.
“Don Lucio, handa na po ang pagkain sa lanai. Naroon na rin po si Mr. Steve,” anito.
“Papunta na ako,” sagot niya at narinig pa niya ang papalayong yabag.
Katatapos lang niyang tawagan si Alejandro Sy at ini-report niya ang current status ng paghahanap na ginagawa niya at iba pa niyang inupahan na mga tao kay Fortney. Kaibigan niya si Alejandro ngunit alam niyang hindi mahaba ang pasensiya nito kaya kailangan niyang bilisan ang pagkilos.
Wala siyang maipipintas pagdating sa usaping negosyo at pera kay Alejandro ngunit hindi maaaring balewalain ang kakayahan nitong gawin kapag ito na ang kumilos upang hanapin ang kanyang anak.
Lumabas na siy
