(Britney’s Wedding)
NAKANGITING HUMARAP sa malaking salamin si Fortney matapos suotin ang damit niya bilang maid of honor. Inanyayahan siya ni Britney na sa hotel na lang magbihis at doon na rin ayusan ng make-up sa mukha ngunit hindi siya pumayag. Kaya niya naman na sa sariling tahanan na lang gawin iyon.
Una, hindi niya kakilala ang ibang bridesmaids o bisita ng mga ikakasal at baka mailang siya. Pangalawa, hiniling ni Karen na ito ang mag-ayos sa kanya at pangatlo, gusto niyang hindi sila agad magkita ni Garette dahil baka kung ano lang ang magawa nilang dalawa.
Pinatunayan iyong noong nasa beach resort sila sa Zambales. Halos wala silang kapagurang dalawa sa paulit-ulit na pagniniig. Matagal na ang sampung minutong pahinga saka sasabak na ulit sa labanan.
Pareho nilang gusto iyon
