(The preparation for endless love)
“BRO, BUTI NAKARATING KA!” aniya sabay tapik sa balikat ni Braxton. Kasalukuyan siyang nag-aayos sa sala ng ilang dekorasyon na dala ni Lorcan. Nasa itaas lang si Fortney at nagpapahinga sa kanyang silid.
“Mapapalampas ko ba naman ang napaka-espesyal na pangyayari sa buhay mo? Nasaan na pala si Justice, wala pa ba siya?”
“Naghahanap ka na naman yata ng away e. Huwag muna ngayon, bro. Baka matakot ninyo si Fortney.”
“Na-miss ko lang ‘yung lalaking iyon. May balita kasi na nahuhumaling sa dating app.”
“May bago ba? Alam mo naman iyon,” aniya nang makita si Wolf sa pinto. “Dala mo na ba, bro?”
“Oo, dala ko na. Grabe ang rush ng singsing na pinagawa mo. Pati si Lorcan halos hindi ako patulugin niyan,” anito sabay abot sa kanya. “Sana lang talaga magkasy
