(The ambiance)
TILA ISANG PANAGINIP ang lahat. Kanina pa nag-uumapaw sa saya ang puso ni Fortney at hindi na niya nais pang matapos iyon. Ang mahigpit na hawak sa kanya ni Garette ay isang pangarap na natupad sa kanyang buhay. Halos nakatitig na lang ito sa kanya habang patuloy na nagsasalita ang pari na nagkakasal sa kanilang dalawa. Kahit siya man ay hindi rin makapaniwala.
Nasa gitna sila ng isang napakalaking hardin. Ang mga bisita ay nakaupo sa napaka-eleganteng mesa at upuan na napapalibutan ng mga halaman at bulaklak. Naging dagdag disenyo rin ang mga puno sa paligid. Sariwa ang hangin na nalalanghap nila dahil na rin sa batis sa di-kalayuan doon.
Isang napakagandang lugar na kahit sino ay nanaising pagmasdan at angkinin upang bumuo ng isang masayang pamilya.
Wala siyang ibang m
