Habang abala sa pagbabasa sa magazine si Jaksawn ay si Mimi naman tinungo ang labas. Malakas pa rin ang ulan at ang hangin. Napabuntong hininga siya. Kung uuwi pa nga sa gabing iyon si Jaksawn ay baka kung ano pa ang mangyari dito.
Mukhang sa sofa na lang talaga siya matutulog ngayong gabi. Hindi naman kasi kasya ang lalake doon at tiyak na sasakit ang likod nito. Ilang beses na niyang tiningnan kanina kung maaaring matulog sa sofa ang lalake pero sa haba ng mga binti nito ay hindi talaga ito kakasya.
Kung tawagan ko kaya si Mr. Pat?
Naglakad pabalik si Mimi sa kusina. Nang makita na kumukulo nang muli ang tubig ay inilagay na niya ang noodles. Nabalatan na niya ang apat na itlog na kaniyang inilaga.
Kaso baka magalit si Jaksawn, kanina nang sinabi kong tatawagan ko ay kinuha niya iyo
