Matamlay akong palakad-lakad dito sa tabing dagat at para bang gusto ko na lang magpakalunod sa dagat dahil sa bigat ng aking nararamdaman. Gusto ng sumuko ng aking katawan dahil sa dala-dala kong mabigat na problema na alam kong wala na akong kawala pa.
Halos lumuhod na rin ako para lang patawarin ako ni Andy ngunit naisip kong sa sobrang galit niya sa akin ay hindi sapat iyon. Isa lamang ang kagustuhan niyang gawin ko, iyon ay ang umatras ako sa kasal pero nasabi ko rin sa kaniya na kahit anong takas ko ay hindi ko na mapipigilan pa ang desisyon ng mga magulang namin ni Jayden. Pinilit kong ipaintindi sa kaniya na walang namamagitan sa amin ni Jayden at ang lahat lang na ito ay kagustuhan ng mga magulang namin. Ngunit kahit na anong gawin ko ay ayaw nitong maniwala. Mas pinili ko na ri
