Nang dumilim na ang paligid ay pumasok na muna kami sa room namin. Sina Cassidy, Helley, at Andy ay magkakasama sa iisang kuwarto. Dapat kasama ko rin sila sa pagtulog dahil iyon ang gusto ko, ang makasama sila. Pero dahil sa sinabi ni Jayden na kami ang magkatabi sa iisang kuwarto ay hindi na ako umangal pa. Mukha namang hindi siya papayag na hindi ako makatabi.
Kinuha ko ang dinala kong isang libro at binasa ito habang ako ay nakaupo sa kama at isinandal ang aking likuran sa headboardng kama. Si Jayden ay nasa banyo pa lang at kasalukuyang naglilinis ng kaniyang katawan.
Habang abala ako sa aking binabasa ay agad akong napatingin sa aking cellphone nang tumunog ito. Kinuha ko ito gamit ang kanang kamay ko at sinagot ito bago itinapat sa aking tenga. Hindi ko kilala kung sino itong tuma
