Sa paglingon ko at nagulat na lamang ako nang biglang may yumakap sa akin. Pagtingin ko sa ibaba ay nakita ko si Ailani na nakayap sa akin.
"Ate bakit po kayo aalis?!" umiiyak na tanong niya. Hinawakan ko siya sa magkabilang balikat niya at maingat na inalayo sa akin tsaka ko siya pinantayan.
Ngumiti ako sa kanya at hinawakan ang pisngi niya. "Kailangan ko na kasing umuwi eh. Sorry ha, hindi ko na matutupad ang ipinangako kong maglalaro ulit tayo. Pero nangangako ako na susubukan ko pa ring bumalik dito at ikaw agad ang una kong pupuntahin," sabi ko para pagaanin ang loob niya.
"Pangako po 'yan ate, ha? Babalik po ulit kayo," humihikbi niyang sabi. Napatango naman ako sa kanya at pinunasan ang mga luha niya. Niyakap naman ulit niya ako at sa pagkakataon na ito ay mahigpit na ang pagka
