"GEORGE!" malakas na sabi ni Arabella pagbalikwas niya. Nasapo niya ang kanyang dibdib, kay lakas ng kabog niyon.
Napanaginipan niya si George. Sa panaginip niya ay natuloy ang kanilang kasal pero pagkatapos niyang sabihin ang "I do" ay bigla na lamang siyang tinalikuran ng lalaki. Lumabas ito ng simbahan at kahit anong tawag niya rito ay hindi siya nilingon. Sinubukan pa niya itong habulin pero tuluyan nang nawala sa paningin niya ang lalaki.
Pakiramdam niya ay kinakapos siya ng hangin sa dibdib kaya humugot siya nang malalim na hininga. Pinunasan niya ng kanyang pisngi na basa ng luha. Ilang minuto rin siyang nakaupo sa kama at humihinga ng malalim para payapain ang sarili. Maya-maya ay tumayo siya at lumabas ng silid para kumuha ng maiinom.
Nasa may hagdan siya nang mapansing bukas
