“MANANG naman, ang mahal mahal ng puhunan tapos kukuriputin niyo lang. Sa iba na lang po kayo mamili. Ang aga aga, wala pa nga kaming buena mano.” Iritableng saad ko sa aleng panay ang tawad sa mga prutas ko. Kanina pa 'to. Nagtitimpi lang ako. Sinabi na ngang hanggang bente lang ang mabibigay ko'ng diskwento. Gusto pa niya gawin kong isang daan. Kulang na sa puhunan, abunado pa ako.
“O, sige na nga. Bigyan mo na ako ng isang kilo. Nagbabaka sakali lang naman na makakatawad ng malaki, eh,” masungit namang sabi niya.
“Sa mall ba kapag bumili kayo, may tawaran? 'Di ba wala naman ho?”
“Balutan mo na ako. Huwag ka ng maraming sinasabi. Napakarte mo'ng tindera. Hindi ka naman maganda,” anito.
Tatalak pa talaga ako kung hindi lang ako siniko ni Fina. Ngali-ngali ko talagang ipukpok sa ul
