BUMALIK kami sa store na pinanggalingan para magbayad ng damit. Kamalas malasan naman kasi ay hinarang kami ng mga gwardiya sa exit ng mall bago pa kami makalabas. Tumunog kasi iyong alarm nila hudyat na nalooban ang naturang mall.
Huli na para mapagtanto ko na suot nga pala ng estranghero ang puting damit galing sa penshoppe at hindi pa nababayaran. Nawala rin sa isip ko ang bagay na 'yon. Nakakahiya talaga kanina sa office nang dalhin kami ng mga ito roon. Hinanapan kami ng kung ano-anong ID. Tinanong nila ang pangalan namin. Siyempre ako, sinabi ko ang buong pangalan ko. Ang problema, itong kasama ko naman ang hindi makapagsalita. Nagmistulang pipi sa isang tabi.
Sa huli ay hindi rin ito napilit ng mga gwardiya na magsabi ng pangalan dahil ipaliwanag ko ang sitwasyon ng estranghero. B
