"Kumusta ang pamamasyal ninyo nila Diego?" agad na salubong ni Don Valencio nang kapapanhik pa lamang ni Elizaela sa loob ng kanilang tahanan.
"Ayos lamang, Ama." Hinawakan ni Elizaela ang kanyang mahabang palda habang unti-unti na nitong tinahak ang hagdanan patungo sa ikalawang palapag. "S-Sige Ama, magbibihis muna ako saglit."
Tumango naman si Don Valencio. "S-Sandali, Elizaela. Iyo na bang nakapanayam ang kapatid ni Ginoong Dabid?"
Napatigil si Elizaela. "Opo Ama, hindi ko inaasahang may kapatid pala si Ginoong Eugenio at kasintahan pala ito ng pinsan ni Diego na si Elias. Sobrang nakakatuwa siya. Matagal n'yo nang nakilala 'yon ni Ina?"
"Oo, Anak! Nakapanayam na namin 'yon nang tumungo kami sa kanilang bayan noong inaanyahan kami ni Arkitekto sa selebrasyon ng kaarawan ng kanyang
