Umalingawngaw ang tunog ng kampana ng simbahan. Ito'y nagpapahiwatig na tapos na ang misa. Sa kabilang dako ay pumanhik ang tatlong dalaga sa lugar kumpisalan ngunit bago pa man sila sana tumungo roon ay nakasalubong ng tatlo si Padre Arelano, ang kura paroko.
“Mga Señorita, kayo ba'y mangungumpisal upang humingi ng kapatawaran sa Poong Maykapal?” Ang mga tinging ipinugal ng kura paroko ay hindi kaaya-aya.
Sumagot naman si Tamaranea. “Opo Padre, wala namang masama kung kami'y mangungumpisal, hindi ba?”
Ngumisi ang kura paroko sa tatlong dalaga. “Nawa'y sana, sa inyong pangungumpisal ay patawarin nga kayo ng Diyos.”
Hindi na rin mapigilan ni Elizaela ang hindi sumabat. “Ang Diyos ay mapagpatawad Padre Arelano lalo na kung bukal sa loob ang paghingi ng kapatawaran. Lalo na rin kung ang
