Mga taong nakaabito, may saklob sa ulo at may sintas na lubid ang nasa pinakaunahan ng santong si San Rafael de la Paez, ang patrong santo na pinaniniwalaan ng mga mamamayan ng San Rafael na nagbibigay ng mga milagro sa kanilang bayan.
Napakaliwanag ng mga dinaraanan dulot ng kandilang sinindihang hawak ng mga taong sumali sa prusisyon. Dumagdag din ang mga paputok sa kalangitan at saka mga nag-iilawang parol na nakasabit sa bawat kabahayan. Hindi rin maaaring mawala ang iba't ibang nagkukulayang banderitas.
Isinambit sa bawat bibig ang patuloy na pagdarasal na pinamunuan ng punong madre at katabi nito sa paglalakad ang kura paroko at misyonerong pari.
Pinanatili ang kaayusan ng prusisyon sa pamumuno ng tenyente at ang mga guwardiya sibil. Ang sarhento naman ay panay sunod sa gobernad
