Biglaang tumigil ang selebrasyon ng kaarawan ng gobernador-heneral nang may napakinggang putok ng baril na nagmula sa labas.
Umingay sa loob ng hacienda ang mga nabagabag nang mga panauhin. Binunot agad ni Tenyente Agoncillo ang kanyang rebolber saka tiningnan ang pinagmulan ng putok ng baril. Sumunod naman ang gobernador-heneral sa tenyente sa kabila ng kanyang hindi maayos na pakiramdam na kanina pa niya nabatid sa kanyang sarili. Nasa kanyang likuran naman ang sarhento na ngayo'y nakamasid na sa paligid.
“Ano ang nangyari?” anang tenyente sa isa sa mga guwardiya sibil na nakabantay.
“Tenyente, ang tunog ng baril kanina ay hindi nangangahulugang pagsalakay kundi nangangahulugang magsisimula na sa pagbibigay kulay sa kalangitan. Oras na para sa mga paputok,” aniya ng guwardiya sibil. N
