Sa Hospital de los Real, ang ospital na para sa mga cacique ay nakahandusay ang gobernador-heneral na katatapos lang na gamutin ng mga manggagamot.
Kahabag-habag ang sinapit ng Gobernador-Heneral Ferrer. Walang awa ang gumawa nito sa kanya. Sa kabila ng paglilingkod nito sa bayang hindi niya pinagbukalan ay ito ang kanyang napala sa Las Islas Filipinas.
Karapat-dapat lamang na malagot sa hukuman ang maysala!
Salamat sa Diyos ay nakaya n'yang labanan ang lason na malapit nang kumitil sa kanyang buhay. Siguradong ang maygawa nito ay nais siyang tuligsain para lamang sa puwesto. Tunay ngang makapal ang mukha ng sino mang kumitil ng buhay para lamang sa kapangyarihan. Isang ganid lamang ang maaaring gumawa nito. Hindi ikinaangat ang manira ng kapwa nang dahil lamang sa katakawan sa kapang
