Lumalakas ang mga unos na siyang dumarating sa buhay ng mga Guevarra. Mga unos na siyang 'di nila inaasahang matindi pala ang hatid na sindak at bagabag. Ang pinakamalubha, ang masilayan mo ang 'yong kadugong paparusahan nang dahil lamang iniisip ang kapakanan ng iba. Ito ang tanging nagpapatunay na kahit hangarin mo man ang kabutihan, mayroon pa ring mga hindi sasang-ayon. Hindi lahat ay sasang-ayon sa kabutihan sapagkat ang totoo sa mundong ibabaw na ito ay madali ang paggawa ng kasamaan kaysa sa kabutihan. Nakaukit na sa mundo na ito ay hindi perpekto.
Idikit mo man ang nabaling mga sanga ng punong-kahoy ngunit malabong iyo itong maipaskil sa dati nitong kinalalagyan. Hindi mapipilit, ang ayaw.
Ang mga walang ilaw ang mga mata, malabong makakakita. Ilang beses mo mang gustuhing makak
