Nakakabinging tunog ang hatid ng kuliling ng kampanilya, nagpapahiwatig na tapos na ang kaganapan ng pagsawak ng mga binasbasang tubig na agua bendita. Pagkatapos ng matinding pagsiksikan kanina ay kaagad na pumasok si Padre Arelano sa kanyang silid at kasunod niya ang alperes.
Kahit pagod na pagod ang mukha ng kura paroko ay tumimo pa rin sa kanyang katauhan ang labis na kagalakan sapagkat, hindi niya maakalang sa wakas ay mapapabagsak na niya ang pamilyang Guevarra sa tulong ng alperes. Tinunga ng alperes at ng kura paroko ang binong gawa sa ubas upang magsidiwang sa nakamtang panalo. Panay halakhakan ang dalawa. Sa matagal na panahon ng paghihintay ay nakamtan nila ang nais.
Sinindihan naman ng alperes ang tobako at nalanghap ng kura paroko ang amoy na umalisangsang ngayon sa kanyan
