Sa kanyang silid ay pasan n'ya ang kanyang mga sariling suliraning kinikimkim. Kasalukuya'y sumisimsim ng inuming nakakalango. Hindi n'ya mabitaw-bitawan ang kopita na may nakalagay na alak.
Muni-muning nakipagbangayan si Don Hacob sa kanyang mapaglarong balintataw habang saklaw ng kanyang mga paningin ang malayong tanawin na nagmumula sa nakabukas n'yang durungawan. Hindi mapigil-pigil na paghahaplos sa kanyang malapad na noo't hinilot-hilot upang pansamantalang makaramdam lamang ng payapa. Kinasusuklaman n'ya ang sarili sapagkat wala siyang tanging nagawa sa kanyang kaibigang kalauna'y napaslang dahil sa garote sa utos ng kataas-taasang gobernador-heneral nang tunay ngang nalaman na ito'y nagtaksil at isang kasapi, 'di lamang kasapi kundi isang pinuno pa ng mga rebelde.
Malalim ang ka
