Sa pasilyo ng Hacienda Guevarra ay matutunghayan ang isang ginoong ngayo'y nagdalamhati sa natuklasan sa kanyang isa sa mga kaibigan. Tanging pagdadalamhati't tangis ang kanyang maisabahagi. Unti-unti itong pumasok sa loob at ngayo'y nasilayan ng kanyang ina ang sinapit ng kanyang anak.
"Diego, maaari ba kitang makausap?" Isang inang nag-alala't nabagabag sa kanyang anak. Ngumisi ng bahagya si Diego. "Opo, Ina."
"Paumanhin sa nangyari kay Kapitan Topazio. Siya ngayo'y nahatulan na ng Audencia Real na nagkasala sa kanyang tungkulin, aking anak." Iilang mga araw mula nang kanilang pagtakas ay nalaman ni Diego ang nangyari sa kapitan. Tunay ngang ito'y pinuno ng mga rebelde ngunit 'di pa rin nagbago kung ano ang pananaw ni Diego sa kapitan. Alam n'yang ito'y mayroong ipinaglalaban 'di para
