Nagkakagulo-gulo na ang mga mamamayan. Panay kumpulan na ng mga tao, mapatanda man o mapabata. Hawak ni Alperes Rajas si Hector, ang s'yang nabangga ng mga Guevarra no'ng mga nakaraang gabi. Iilang mga araw na itong kinulong sa rehas hanggang napagdesisyunan nang ito'y ilabas pagkatapos itong kumanta no'ng nagdaang gabi.
Nanghihinang napahawak sa pinagkulungan si Hector. Bawat pasa't preskong dugo'y nagbibigay pakahuluga'y hahantong na s'ya sa kamatayan. Nang malaman ng gobernador-heneral na kasapi ang bihag sa mga rebelde'y 'di nito pinalagpas pang pakantahin. Pinakadisgusto ng gobernador-heneral na may mag-aalsa laban sa kanya at sa kaharian ng Espanya.
Hanggang tanaw lang si Tenyente Agoncillo sa sinapit ng bihag. Pilit man n'yang protektahan itong muli kagaya na lamang ng kanyang gin
