Tanaw ng magpinsan ang mga tahanang kubo na yari sa balu-baluktot na sanga ng mga kahoy. Abala ang ibang mga kalalakihan sa pagsibak ng mga panggatong at ang iba namang kababaihan ay kanya-kanyang laba sa kanilang mga kasuotan sa ilog at ang mga paslit ay 'di maikakailang masayang nagtampisaw at naliligo.
Ang iba'y nagsitagistisan na ang mga pawis dulot ng pagtitistis ng dahon ng niyog upang gawing walis. Isa ito sa kabuhayan ng mga simpleng mamamayan dito.
Sinulyapan naman ni Diego si Miguel na ngayo'y abala sa pagtanaw sa mga nasilayan mula sa mga simpleng mamamayan. Batid ni Diego'y nasisiyahan ito sa mga nakikita. Ito'y bakas sa nakangising mukha ni Miguel.
Ang ibang mga bata'y naglalaro ng patintero sa unahan. Ang iba nama'y nagsitakbuhan sa malawak na kapatagan. Ang iba'y abala
