"Ibaba ang baril kung ayaw n'yong kayo ang papatayin." Napalingon ang alperes kay Tenyente Agoncillo na ngayo'y kasama ang sarhento.
"Iyong kinakampihan ang isang makasalanang indio, Tenyente Agoncillo?"
Lumapit ang alperes sa malapitan. Mariin n'yang tinititigan ang mga mata nito na taas-noo. "Isang 'di makatarungang pag-aalipastangan ang aking naabutan at nais mo bang ako'y magalak?" hindi makapaniwalang tugon nito sa alperes.
"Ito'y 'di pag-aalipastangan kung hindi isang pagdidisiplina lamang, Tenyente Agoncillo!" ang kanyang pagmamatarungan. Mapaklang napatawa ang tenyente na ngayo'y nakatuon pa rin ang rebolber sa alperes.
"Inyong pakainin ang bihag at pahingahin. Walang gagalaw sa kanya kung ayaw n'yong sa 'kin ay malagot." Mabilis namang sumunod ang mga guwardiya sibil sa inut
