“Maaari na kayong pumanhik sa inyong mga patutunguhan. Sadyang makulimlim na ang gabi baka kayo pa'y maabutan ng mga rebelde," sabi ni Sarhento Guevarra. Muling nilaanan niya ng tingin si Diego habang nanatili pa ring nakangiti saka muling itinuon ang atensyon nito sa kanyang kapatid na si Don Hacob na ngayo'y 'di pa rin makapaniwalang masilayan ang kapatid nito.
"Ama, kayo'y mauna na lamang sa Hacienda Escelante at ako'y sasama upang makasiguradong maging maayos ang kalagayan ng taong 'yon." Madali namang tumango ang ama ni Diego.
"Wala ka bang tiwala sa 'yong Tiyo Roberto?" anang alperes na ngayo'y sakal ang mga titig kay Diego.
"Ako'y mayroong tiwala ngunit mas mabuting makasigurado sapagkat wala akong tiwala sa 'yo Alperes Rajas at sa 'yong mga guwardiya sibil." Napamaang ang alp
