“Are you okay?” Tanong ni Annabelle sa anak.
“Opo,” tanging sagot ni Jen dito.
Tumango naman si Annabelle sa sinabi ng anak habang si Jen ay napabuntong hininga na lamang. Ang totoo ay kinakabahan siya sa posibleng mangyari. Sakay sila ngayon ng sasakyan patungo sa kung saan nakatira ang magulang.
Napapikit na lang si Jen at nilanghap ang hangin ng Manila.
Yes, nasa Manila na ulit siya. Nakapag desisyon siyang sumama sa tunay na ina hindi para iwan niya ang buhay na meron siya sa probinsya kundi para malaman niya kung gaano ka sincere ang tunay niyang ina na makasama siya.
“Anak, alam kong may doubt ka sa pagsama sa akin dito. Pero sana hayaan mo ako na iparamdam sayo na pamilya mo rin ako. Na kaya ko ring gawin kung ano ang ginawa sa iyo ni ate Milagros,” maya-maya ay wika ni
