Chapter 16
Zhiya Sabriya Smith
NAGISING ako sa malakas na katok sa pinto. Sunod–sunod na katok, parang may binabasag.
Napamulat ako bigla, pilit nilalabanan ang bigat ng mga talukap ko. Antok na antok pa ako, pero wala akong choice kundi bumangon. Isa pa, hindi naman talaga ako nakatulog ng maayos.
Dahil buong gabi akong gising. Ang laman ng isip ko si Seve—kung nasaan siya, kung ano ang ginagawa niya, kung anong suot niya, kung may katabi ba siya sa kanyang pagtulog. Hindi ko alam kung malamig ba sa kabilang bahay. Kung umiiyak siya habang hinahanap ako.
God, anak ko 'yon. Ang sakit isipin na ilang hakbang lang ang layo niya pero hindi ko siya mahawakan.
Tumayo ako at napaupo sa gilid ng kama. Iniiwas ko ang mukha ko sa sinag ng araw na pumasok sa siwang ng bintana. Napahawak ako sa
