شمــــــس (تفاحة ادم)

اميرة(الام): شمس يا شمسي، انت فين يا حبيبتي؟ تأتى شمس طفلة بالسابعة من عمرها بشرتها بيضاء لون شعرها **تنائي متوسط النعومة به موجات جميلة مهندم ذات وجه ملائكي علي وجهها ابتسامة مشرقة متوسطة الطول رفيعة تتحرك بمرح وبعض القفزات تتمايل راسها يمينا ويسارا من السعادة بحركات طفولية جميلة تضع يد وراء ظهرها والأخرى بها دميتها المفضلة عروسة من القماش المحشو علي شكل طفلة وردية اللون لا تفارقها ابدا تقترب من امها وتقبلها. شمس: انا اهو يا مامي. تبتسم اميرة وتضيق عينيها وتسالها بمرح وهدوء. اميرة: كنت بتعملي ايه وتاخرتي عليا كده. شمس: كنت بعمل لك surprise (مفاجأة). وتظهر يدها الأخرى وبها شوكولاتة من النوع المفضل لشمس ووالدتها. تختفي ابتسامتها وتتحول الي وجوم واستفهام اميرة: جبتيها منين؟ اللي كانت هنا خلصت امبارح. تخجل شمس وتنظر الي الارض فهي تعلم انها اخطأت وتكمل الام. اميرة: تاني يا شمس نزلتي من ورايا، مش اتفقنا ان ده غلط ولازم قبل ما تنزلي اكون عارفة، انا ما لحقتش دخلت الاوضة ربع ساعة اصلي مش كتير انا زعلانة منك. شمس: لا يا مامي مانزلتش والله. تنظر اليها الام منتظرة تكملة ردها وعلي وجهها بعض الغضب من ابنتها. شمس: والله يا مامي، انا اتصلت بالسوبر ماركت وطلبتها. اميرة: بردوا غلط، اتصلتي وفتحتي الباب من غير ما اعرف، وبعدين ما سمعتش جرس الباب. تعود شمس وتنظر للأرض مرة اخري بخجل مما فعلت شمس: ما انا يا مامي كنت عايزاها surprise (مفاجأة) ففتحت الباب ووقفت waiting them ( انتظرهم). فزعت اميرة بشدة وارتسم علي وجهها الحزن من تصرف ابنتها. اميرة: كمان يا شمس، يعني الوقت اللي كنت بصلي فيه كله كنت فاتحة باب الشقة وواقفة برة. شمس: sorry ( اسفة) مامي. اميرة: احنا اتكلنا كتير يا شمس في الموضوع ده، وفهمتك ليه غلط، انا وبابا خايفين عليكي. شمس ببراءة: يا مامي السوبر ماركت بيجي كتير وهما طيبين ومش حيخ*فوني او يعملوا حاجة وحشة دول بيحبوني قوي اميرة: يا حبيبتي لازم نتعامل بحذر علي الاقل عشان تكوني بتسمعي كلام مامي وبابي، يا شمس انت بتصدقي الناس بزيادة الصغيرين اللي زيك لازم يثقوا في مامي وبابي اكتر ناس وبعدهم علي جدوا وتيتة واخوات مامي وبابي، واي حاجة مامي وبابي يقولوا عليها غلط تبقي غلط ما ينفعش نعملها. شمس: سوري يا مامي مش حفتح الباب تاني لوحدي. اميرة: يا شمسي يا اللي منورة دنيتي احنا خايفين عليكي، في ناس وحشة لما بتلاقي بنات قمر زيك كده مش بتسمع الكلام بتأذيهم وممكن تاخدهم وما ترجعهمش تاني، تحضنها الام وتغمض عينها بقوة وتكمل. اميرة: بعد الشر عليكي يا حبيبتي ربنا يحميكي و يرزقك دايما باللي يحميكي يا عمري. شمس: حاضر يا مامي اوعدك مش حفتح الباب لوحدي تاني ابدا، تعالي ناكل الشوكولاتة بقي. تضحك اميرة من ابنتها وردود افعالها. شمس طفلة جملية بشوشة تمنح ثقتها لكل من يبتسم اليها الا قليلا لا تريد ان تغضب والديها ولكن طيبها المفرطة تجعلها احيانا تفعل ما يمنعوها عنه وهذا ما يزيد من خوفهم عليها خصوصا والدها فهو رجل اعمال بالرغم من ان شركته ليست ضخمة الا ان له منافسون يستخدمون طرق غير نظيفة وغير قانونية لإرهاب منافسيهم، وهذا يزيد من خوفه علي ابنته الوحيدة شمس، منزلهم بحي راقي بإحدى الفلل المقسمة لشقق سكنية فخمة، وبالرغم من حب اميرة للحدائق الا انها فضلت عند اختارها للطابق ان تكون بالطابق الثاني قبل الاخير ليكون اكثر امانا لابنتها ذات القلب الطيب بشدة، فهم انتقلوا حديثا لمنزلهم الجديد. بالمساء اتي والد شمس سمعت شمس صوت المفاتيح وفتح الباب اسرعت الي والدها. شمس وهي تسرع اليه: بابيييييييي، I miss you( وحشتني). مروان (والدها): انت كمان وحشتيني يا حبيبة بابي، ثم حملها وخطا بها للداخل. مروان: حبيبة بابي عملت ايه النهاردة؟ شمس: ( لعبت ورسمت وعملت مفاجئة لمامي) Play, draw and made surprise for mamy بعد ان انهت كلامها **تت واحمر وجهها ندمت. مروان: مالك هي المفاجأة كانت وحشة. ادرك مروان سريعا ان ابنته ندمت علي اخباره وانها اخطأت وتأكد عندما خرجت زوجته اميرة ونظرت له بابتسامة ذات معني. مروان: حبيبة بابي غلطت واعتذرت صح. اماء شمس راسها بقوة وطفولة شمس: سوري بابي. ارتسمت علي وجه مروان ابتسامة ممزوجة ببعض القلق ولكنه حاول ان يطمئن ابنته مروان: خلاص يا حبيبة بابي بس ناخد بالنا بعد كده احنا بقينا كبار . Deal شمس: Deal. يقبلها والدها وينزلها قائلا مروان: ممكن بابي يغير هدومه عشان يأكل مع شمسه واميرته؟ شمس: اوكي. يدخل مروان الغرفة ويظهر قلقه لأميرة بعد ان اغلق الباب كي لا تسمع شمس. مروان: انا كل يوم اقلق عليها اكتر، ايه اللي حصل النهاردة؟. اميرة: كانت عايزة تفاجئني كلمت الماركت وانتظرتهم علي الباب عشان تجيب شوكولاتة، ما تقلقش انا اتكلمت معاها بالراحة وفهمتها وهي وعدتني. ابتسم مروان بحزن: كنت فاكر انك اطيب واحدة طلعت بنتك اطيب منك وده بيخوفني عليكم جدا احنا للأسف في زمن صعب الناس بقت اسوأ من الحيــوانـات. اميرة: ليه يا حبيبي بتقول كده ليه؟ مروان: بتسالي يا اميرة ما انا حكيت لك عن صاحب شركة الصفا واللي حصل لبنته وهي كبيرة وكانت راجعة من الجامعة بسبب امور الشغل انا اصلا بفكر اصفي كل حاجة هنا واسافر اي بلد تاني مش مرتاح كل ما الشركة بتتوسع بخاف فعلا من المنافسة القذرة والنفوس الطماعة، ده غير ان بنتك بتسهل عليهم المهمة لو حد فكر انا فعلا قلقان ومن ساعة حادثة البنت دي وانا مش ببطل تفكير. اميرة: بطل تفكير وارمي حمولك علي ربنا لو فكرنا بالطريقة محدش حيعمل حاجة ومش حنتحرك ولا خطوة، الدنيا زي ما فيها الشر فيها الخير والمكتوب حيصبنا مهما حاولنا نبعد عنه ومهما حاول حد ياذينا وربنا مش رايد مش حنتاذي ابدا، وافتكر (قل لا يصيبنا الا ما كتبه الله لنا) تفائل يا حبيبي و واحدة واحدة نفهم شمس وتعرف تتعامل مع الناس. تقترب منه وتربت علي كتفه ترفع راسها قليلا لفرق الطول وتقبله بخده يقربها منه ويحتضنها. مروان: ونعم بالله، ربنا يخليكي ليا يا حبي دايما كده بتريحي قلبي، ممكن بقي تحضري العشا عشان حموت من الجوع على ما اغير هدومي. اميرة: عنيا. ( مروان قمحي البشرة ذو ملامح رجولية ووسامة متوسطة، طويل، عريض ذو مهابة ثلاثيني العمر. اميرة متوسطة الطول ذات ملامح هادئة جمالها متوسط، بسيطة، ذات ابتسامة رقيقة لا تفارق وجهها ابدا، محجبة ذات شعر كـستنائي متوسط النعومة) وضعت اميرة الطعام وجلس ثلاثتهن علي المائدة اميرة: انت عارف مها حتولد اليومين دول الدكتورة قالت تستعد اي وقت البيبي حينور الدنيا. مروان: اكتر حاجة سيئة اني حاضطر اروح هناك انت عارفة مش بطيق اروح لجوزها ابداً. اميرة: انا مش عارفة انت كارهه ليه؟ مروان: مش بكرهه هو اللي دايما يستفزني ومش طايقني وبحس انه كارهني ده غير شغله وسمعته في السوق. اميرة: لما سالتك قبل كده قولت انه مش بيعمل حاجة حرام. مروان: قولت ان شغله الاصلي حلال بس طرقه عشان يمشي شغله ملتوية. اميرة: اكيد مش حتمنعني عن اختي الوحيدة، صح؟! علم بمقصدها فهو لن يمنعها عن اختها التي لا تقل طيبه عنها ولكنه يشعر بالقلق الدائم والتوتر من زوجها يسئل نفسه دائما كيف تزوجت أختها شـخـص مثله اليس الطيبون للطيبات ، افاقه من شروده صوت اميرة. اميرة: لو سمحت رد عليا، اكيد مش حتبعدني عن اختي عشان هيثم جوزها! نظر الي عينها الممتلئة بالدموع والخوف فابتسم لها يطمئنها ووضع كفه فوق كفها بحنان. مروان: اكيد لأ ماتخافيش. عادة لها ابتسامتها سريعا كالأطفال. اميرة: كنت متأكدة يا حبيبي. ابتسم لها وهو يكمل حديثه بعقله مروان لنفسه: اه لو تعرفي انا بخاف عليكم قد ايه انت وشمس انقياء بدرجة تخوفني عليكم خصوصا من جوز اختك بخاف من نظراته ليكم اللي مليانه كره هو فاكرني مش واخد بالي، يا رب انت الحافظ احفظهم لي يا رب. شمس: مامي، انا ليه ماعندش اخوات؟ تضحك اميرة: عشان اخد بالي منك لوحدك يا شمسي انا عندي شمس واحدة كفاية. مروان بمداعبة يهمس لشمس بصوت واضح لأميرة ويقرب راسه من شمس مروان: قولي لها يا شمس بتحايل عليها. شمس بزعل اطفال رقيق: عادي يا مامي ممكن يكون عندك شمس وقمر وstars (نجوم) كمان. يضحك والديها من كلامها. شمس بغضب لضحكهم: انا بتكلم جد خالتو مها عندها احمد وسيف وفي رنا بعد ايام وانا لوحدي، مش انتم اخوات ليه مش عايزة يكون ليا اخت او اخ اكون ليهم ام واروح لهم ويجولي لما اكبر. تحول ضحك والديها لذهول من غضبها الحقيقي وتوقفت اميرة عند كلمة ام اميرة: انت زعلانة بجد؟! وليه ام؟ المفروض تدوري علي اللعب معاهم. هزت شمس كتفها شمس: مش عارفة انا حاسة كدة وزعلانة بجد عايزة لما اكبر حد يكون معايا. انقبض قلب مروان وتملكه الخوف لقولها وحاول الا يظهر ذلك وطمأن شمس. مروان ويحاول رسم ابتسامة: خلاص يا شمسي انا حتكلم مع مامي يمكن ترضي. شمس وتبتسم لوالدها: promise ( وعد). مروان: وعد. شعرت اميرة ايضا بالقلق ولا تعلم السبب وغيرت الكلام لإبعاد هذا الاحساس عنها اميرة: خلاص يا شمسي حفكر، المهم يا مروان عايزة اروح لمها لأنها تعبانة. شمس: هييييه حشوف احمد. مروان واميرة: اشمعني احمد يعني وسيف لأ. رفعت شمس كتفها لعدم معرفتها. شمس: سيف بيزعلني لكن احمد بيتعامل معايا حلو وبيدافع عنـي دايما وطويل. انفجر مروان واميرة ضاحكان. مروان: قصدك كبير. شمس: بس هو طويل كمان. مروان: هو اكبر منك بكتير عشان كده اطول. شمس: ايوة انا 7وهو 14. اميرة: ما قولتش حتوديني ولا اخد تاكـسي. تن*د مروان: حود*كي طبعا عايزة تروحي امتي؟ اميرة: بكرة، ان شاء الله. مروان: خلاص حتاخر بكرة شوية اود*كوا وبعدين اروح الشركة، شمس حبيبة بابي ما نخروجش من باب الفيلا غير مع مامي بس وما نكلمش حد غريب مش عايز اكون قلقان عليكي ممكن. شمس: اوكي يا بابي وما تقلقش احمد بيخلي باله مني. مروان: ماشي يا شمسي بس ما يمنعش انك تسمعي كلام بابي. شمس بابتسامة: حاضر يا بابي