Accidentally Became the Mother of the Billionaire's Twins

“Mrs. Almonte, oras na para sa injection niyo,” ani ni Dr. Hidalgo habang may dalang tray. Dahan-dahang tumayo si Yrah, at imbis na lapitan niya ang doctor ay bigla na lang siya tumakbo patungong cr at sinubsob ang sarili sa lababo upang sumuka. Mula nang mabuntis siya sa pamamagitan ng IVF ay kailangan niyang magpa-injection araw-araw para maiwasan ang miscarriage. Maselan ang pagbubuntis niya lalo pa’t kambal ang dinadala niya. Pansin niya rin na mabilis siyang pumayat. Nang itaas ni Yrah ang laylayan ng kanyang damit, nakita niyang puno ng pasa at pamamaga ito. Kahit ang doctor niya ay naawa nang makita niya ito. Hindi naging successful ang first attempt ng IVF. Kinabahan pa siya dahil baka ma-disappoint lang ang asawa niyang si Seve, kaya pasekreto siyang bumalik ng ospital para sa pangalawang attempt. Mabuti na lang ay naging successful na ito. Nakiusap pa siya kay Dr. Hildago na h’wag nang sabihin kay Seve ang tungkol sa failed IVF dahil ayaw niyang malungkot ito. Na-diagnosed si Yrah ng Tubal Factor Infertility na kung saan ang fallopian tubes niya ay barado. Tila gumuho ang mundo ni Yrah nang malaman niya ang kondisyon na iyon. Lumakas lang ang loob niya nang sinabihan siya ng asawa niyang si Seve na h’wag itong matakot dahil may paraan pa at iyon nga ang IVF. Naniniwala si Yrah na kapag maipapanganak niya ang kambal ay balewala na lang ang sakit at hirap na pinagdadaanan niya ngayon. Pagkatapos niyang ma-injection-nan ay umuwi siya upang mag-ayos ng sarili at nagluto ng sinigang na paborito ng asawa niya. Dinala niya sa opisina ito para sabay na sila kumain ng lunch. Bahagyang nakabukas ang pinto ng opisina ni Seve nang kakatukin niya sana ito. Bago pa niya magawa, narinig niya ang boses ni Avana—ang bagong secretary ni Seve. “Magre-resign na ako, Seve,” mahinang sabi ni Avana, bakas ang pag-iyak sa tinig nito. “Ayoko nang nagtatago tayo… tapos iniisip ko pa na magkakaroon ka ng anak kay Yrah.” Nagsalubong ang mga kilay ni Yrah pagkarinig iyon, sumilip siya sa nakabukas na pinto. Hindi niya maintindihan kung bakit ganito na lang makipag-usap ang secretary ni Seve. Mahinang tumawa si Seve at hinawakan pa ang kamay nito. “Don’t worry, babe. Hindi naman kay Yrah ang batang ’yan.” Nanlamig ang katawan ni Yrah. Para siyang naubusan ng hangin sa sobrang bigat. “A-anong ibig mong sabihin?” gulat na tanong ni Avana. “Naalala mo bang nagpunta tayo sa ospital para mag-donate ka ng egg cell? Kinuha ko iyon para sa IVF ni Yrah. Takot ka sa sakit, Ava. Hindi mo kakayanin ang hirap ng pagbubuntis—alam mo ’yan.” Sandaling tumahimik si Seve bago muling nagsalita. “Kaya… hayaan mo na si Yrah ang magdala ng anak natin. Siya naman ang gustong-gusto na magkaanak, ’di ba? Tutulungan lang niya tayo. At kapag manganak na siya… makikipaghiwalay na ako sa kanya at kukunin natin ang bata.” Nanlamig ang buong pagkatao ni Yrah. Dahan-dahang napahawak siya sa kanyang tiyan. Hindi siya makapaniwala sa narinig niya. Ngumiti si Avana at excited na niyakap si Seve. “Kung gano’n, magpapanggap pa rin akong secretary mo hanggang sa manganak siya?” Pagkahiwalay ni Seve mula sa yakap ay hinawakan nito ang magkabilang pisngi saka tumango. “Alam mo namang first love kita, Avana. Gagawin ko ang lahat para sayo… kaya ang saya ko no’ng nakita kita sa Boracay last month.” Halos nanghina ang mga tuhod ni Yrah. Kaya pala tinanggal ni Seve si Brandy—ang pitong-taon nagtatrabaho bilang secretary nito at binigay kay Avana ang posisyon. Kaya pala madalas na itong late na umuuwi sa bahay. Hindi na maalala ni Yrah kung paano siya nakalabas ng opisina. Halos mapaluhod siya sa hagdanan, nanginginig ang mga tuhod niya habang dahan-dahang hinahakbang ito pababa. Kung hindi siya nakakapit sa railings ay baka nahulog na siya. Halos ikamatay na niyang dalhin ang kambal… tapos malalaman niya lang na sa ibang babae pala itong dinadala niya? At ginawa siyang breeding machine? Nakakainsulto iyon! Fake lang pala lahat ng lambing at pag-aalaga sa kanya ni Seve. Kahit ang batang nasa sinapupunan niya… fake rin? “H-Hindi… Kailangan kong malaman ang totoo!” Marahas na pinunasan ni Yrah ang mga luha niya at buong tapang na bumalik sa ospital. Pagdating doon, agad niyang hinanap ang OB-GYN na gumawa sa embryo transfer niya. Mabuti at hindi naka-lock ang pintuan ng clinic. Pagpasok niya, nadatnan niyang sinisigawan ni Dr. Hidalgo ang isang nurse. Tanaw niyang umiiyak ang nurse, nanginginig itong hindi makatingin sa doktor. “D-Doc, hindi ko sinasadya. Baguhan lang po ako… nagkamali ako ng pag-label ng test tube—” Tinulak ni Yrah ang pinto, at nang makita siya ni Dr. Hildago, agad na napalitan ang galit ng kaba. Maging ang nurse ay lalo pang nanginig na halos hindi makahinga sa takot. “Dr. Hildago, kailangan kong malaman ang katotohanan. Kaninong embryo ang nasa sinapupunan ko?” Napalunok at tila nanlumo ang mukha ni Dr. Hidalgo. “M-Mrs. Almonte… nalaman n’yo na po? A-aksidente lang! Hindi namin sinasadya!” Bigla niyang itinuro ang nurse, halatang natutulak ng sisi. “Nagkamali si Nurse Joy. Baguhan pa lang siya dito kaya no’ng araw ng embryo transfer, napa-switch niya ang mga test tubes!” “K-Kaninang umaga ko lang po napansin, Mrs. Almonte. Tatawagan ko nasa kayo pero—” Naputol agad ang sunod nasasabihin ni Nurse Joy nang biglang napabulalas si Dr. Hildago. “Hindi po galing kay Mr. Almonte ang sperm!” Huminto bigla ang mundo ni Yrah. “Anong ibig mong sabihin, Dr. Hildago?” mariin niyang tanong. “Kapag nagsinungaling ka pa, idedemanda ko kayo. Matatanggalan ka ng lisensya, kayong dalawa ni Nurse Joy at ipapasara ko ang ospital. Hindi ako nagbibiro.” Nanginginig na sumagot ang doktor kay Yrah. “Oo, Mrs. Almonte, sasabihin ko na. Hindi galing sa asawa mo ang embryo, ga-galing ito kay Mr. Valleriani.” Pinakita ni Dr. Hildago ang dokumento. “Ito sabi sa records, ang sperm cell ay galing kay Mr. Nicario Valleriani ng Valleriani Group.” “Two years ago, nagpunta si Mr. Valleriani sa ospital para magpa-freeze ng sperm. May Azoospermia Syndrome siya, isang genetic disease na nagmula sa side ng kapatid ng lolo niya. Sa sakit na ito, unti-unting nawawalan ng kakayahang makapag-produce ng sperm ang mga lalaki pagsapit ng late 20s hanggang early 30s, at nagiging baog sila kung hindi agad magamot. Dahil siya ang tanging anak na lalaki ng ikapitong henerasyon ng pamilya, kinailangan niyang magpa-freeze ng sperm para mapanatili ang bloodline ng Valleriani kung sakaling mag-fail ang genetic therapy. Kailangan din naming piliin ang pinakamagandang quality ng sperm cell para hindi na maipasa ang sakit sa susunod na henerasyon, lalo na kung magiging anak niyang lalaki.” Napakamot ng ulo ang doctor. “Ang totoo niyan, labing isa na ang sperm cell ang na-freeze namin, nasayo ang ikalabing dalawa.” Napaluwa ng mata si Yrah sa narinig niya. Gano’n na ba kalala ang genetic disease ng lalaki na kailangan isang dosenang sperm ang i preserve? “Anong nangyari sa sperm ng asawa ko?” “Ang embryo naman ni Mr. Amonte ay hindi nag-survive dahil mababa ang sperm count and quality… hindi umabot para ma-transfer sa inyo. No’ng kinuha namin ang egg cell niyo sa cryopreservation room… nadampot ni Nurse Joy ang maling sperm sample. Napagpalit po niya ang sample ni Mr. Amonte at ni Mr. Valleriani.” “Kaya ang batang nasa sinapupunan mo ay hindi talaga galing sa asawa mo, Mrs. Almonte,” dagdag na sabi ng doktor. Muli ay nabalot ng lamig ang buong katawan ni Yrah. Tila namutla siya at halos manghina ang mga tuhod niya. Pakiramdam niya ay nahulog siya mula langit hanggang impiyerno. Kanila lang, akala niya isa lang siyang breeding machine ng asawa niya at ng babaeng first love nito. Ngayon naman, sinasabi sa kanya na ang batang dala-dala niya sa tyan ay anak pala ni Nicario Valleriani? Ano ‘yon? Nagbibiro ba ang tadhana?