BALIK na ako sa dati kong ginagawa, ngayon paaalis na ako ng condo ko patungo sa firm ko. Ilang araw na rin kasi akong hindi nakakapuunta doon, simula ng makauwi ako dito sa manila. Lagi kasi akong inaaya nila Ajus kung saan-saan, kaya nawawala sa isip ko ang pagpunta roon.
Pagka-park ko sa kotse ko ay bumaba na ako agad, at naglakad patungo sa elevator. Maaga pa naman kaya hindi ko kailangan magmadali. Ilang minuto ang lumipas bago ako makarating sa may opisina ko.
“Magandang araw Sir,” bati nito sa akin. Tumango lang ako at ngumiti dito. Madalas rin akong wala dito kaya naman sigurado akong marami-rami akong naiwan na mga trabaho rito. Naupo na ako sa swivel chair ko, namiss ko ang tumabay dito sa opisina ko. Kaya naman pinaikutan ko ito ng tingin habang naghihintay ako ng kliyente.
