قساوه الحب

البارت الرابع

اتمنى البارت يعجبكم

روايه (قساوه الحب ) البارت الرابع

بقلم /ملك فريد لطفى

محمد حبيبي يا دومي فطرت يادنجوان وشبعت.

ادهم انا بس صعبت عليا لما عيطت وانت عارف....

محمد اه صح مابتحبش تزعل حد صح هههههههه قلبك حنين اوي.

ادهم بطل تريقه.

محمد لا ابدا انا مابتريقش خالص يلا بقي نشتغل ولا هنفضل طول اليوم في الحوار ده.

ادهم شوفتلي الأوراق الي مع هدير ومريم ولا خلاص الاوراق دي ضاعت.

محمد انا كلمتهم وهما قالولى ان الاوراق دي مسلمنها في الاداره قبل ماانت تطردهم.

ادهم ازاي بس دول أكيد كذابين او بيتعملوا مع المنافسين لينا.

محمد انت بتقول ايه مريم وهدير دول ولاد الشركه واستحاله يعملوا حاجه زي كده دول بنات متربيه وانت عارف ان والد هدير كان الدراع اليمين لوالدك واستحاله تفكر فيها التفكير ده.

ادهم انا مش فاهم انت بتدافع عنهم كده ليه.

محمد انت لو قلت لوالدك هيقولك نفس كلامي وحتي جرب.

ادهم ايه رايك انا هعمل تحقيق ولو طلعت واحده منهم هي ورا ضياع الاوراق دي مش هرحمها.

محمد انت غريب ياادهم انا مش فاهم انت ازاي مابتفرقش بين المخلصين وبين التعابين الي بدأوا يظهروا في حياتك.

ادهم انت بقيت تقول الغاز يامحمد ماتتكلم بوضوح وقول الي نفسك تقوله بصوت عالي.

محمد انا رايح علي مكتبي ولو عاوز تحقق معايا انا كمان ضمني للتحقيق.

ادهم انت بتحشر نفسك ليه بس في الموضوع ده.

محمد انا همشي ياادهم دلوقتي.

ادهم وهو ماله ده وقعد علي مكتبه يخلص الورق الي قدامه لقي التليفون بيرن.

الو ايوه عم محمد في ايه يا عم محمد.

محمد السف*جي ايوه يا ادهم بيه والدك فريد بيه تعب شويه وقالي أكلمك.

ادهم ايه بابا ماله جراله ايه كان كويس الصبح.

محمد وهو الظاهر نسي ياخد علاج الضغط بقاله كام يوم مش مهتم بعلاجه.

ادهم ازاي بس مقلتليش حاجه زي كده اقفل دلوقتي وانا هجيب الدكتور واجي بسرعه.

وقام ادهم وخرج علي البيت يشوف والده.

جاسمين خير يا مستر ادهم في ايه.

ادهم بابا تعبان وابقي عرفي محمد وقوليله.

جاسمين حاضر الف سلامه عليه.

كلمت جاسمين محمد.....

ايوه يا مستر محمد.

محمد في ايه يا جاسمين عاوزه ايه متقوليش ادهم عاوزني.

جاسمين فريد بيه تعب وادهم نزل وراحله وقالي اعرفك انه مش موجود.

محمد ايه بتقولي ايه ماله عمي فريد.

جاسمين ماقلش بس كان مخضوض ونزل بسرعه ماتكلمش.

محمد طيب انا هروح له.

جاسمين طمني يامستر محمد.

محمد نزل جري علي فيلا ادهم وطول الطريق بيحاول يتصل على ادهم علشان يجيب دكتور معاه وهو رايح بس ادهم كان وصل وتليفونه صامت.

ادهم ايوه يا عم محمد فين بابا.

محمد السف*جي البيه في اوضه والدكتور وصل ومعاه.

ادهم دخل جري علي اوضه والده وقعد جنب باباه وباس ايده كده يا بابا تقلقني عليك يا حبيبي.

فريد يابني انت عارف السكر والضغط وعمايلهم معايا متقلقش بسيطه ياحبييي.

ادهم انا اسف يادكتور ماسلمتش عليك خير في ايه ماله بابا.

الدكتور زي ما بابا قال الضغط مش مظبوط خالص وعالي جدا وبالتالي السكر هو كمان عالي ولو فريد بيه ماالتزمش بالادويه متضر احجز معايا في المستشفى ويبقي تحت رعايه أكبر من الممرضات هناك.

فريد لا يادكتور عز انت عارف مابحبش المستشفيات ازاي.

عز انا أسف يافريد بيه ده علشان صحتك.

ادهم احنا ممكن نجيبله ممرضه هنا حتي تراعيه الفتره دي بس بالنهار وانا في الشركه وانا مسؤل عني بالليل.

فريد لو كده انا موافق لكن مستشفيات لاء.

عز خلاص تمام وانا هروح علي المستشفى وهشوف موضوع الممرضه ده وابعتها علي طول.

ادهم شكرا يا دكتور وخرج يوصله، خير يا دكتور بابا عنده حاجه غير الضغط طمني عليه.

عز والله يا ادهم الضغط والسكر دول لو مش مظبوطين ممكن يوصله فريد بيه لحاله خطيره جدا علشان كده هحاول اشوفله ممرضه تراعيه وتبقي مسؤله عن اكله ومواعيد ادويته بقولك ايه ماتتجوز واهه مراتك تراعي والدك اثناء شغلك.

ادهم ايدي على كتفك عند عروسه ليا طيب.

عز الف مين يتمناك اهم حاجه انت تشاور.

ادهم خلاص خالينا في موضوع الممرضه دلوقتي.

عز لو في اي حاجة رن عليا علي طول.

ادهم اكيد طبعا انت عارف بابا مابيرتحش مع دكتور غيرك.

محمد داخل والدكتور خارج.

محمد خير يا ادهم في ايه.

عز اهدا يامحمد انت عارف عمك مهمل في ادويته وصحته ازاي.

ادهم ادخل بس واهدا وانا هحكيلك تعالي.

عز سلام انا دلوقت.

ادهم ومحمد سلام.

محمد ايه يا ادهم عمي ماله.

ادهم انت عارف بابا بيهمل في علاجه ازاي وفجأه وقع جاله غيبوبه سكر والدكتور لقي ضغطه عالي اوي والدكتور كان عاوز يحجزه في المستشفى علشان يظبطله الضغط والسكر.

محمد وماله اهم حاجه يبقي بخير.

ادهم انت عارف بابا بيكره حاجه اسمها مستشفى ازاي رافض طبعا.

محمد طيب هتعمل ايه.

ادهم هنشوفله ممرضه بالنهار تراعي بابا وانا بالليل ننظمله ادويته وان شاء الله خير.

محمد هو باباك نايم.

ادهم اه العلاج الي واخده مهديله اعصابه علشان ينام.

محمد ادهم انت زعلان مني.

ادهم لا طبعا انا عارف انك بتخاف عليا بس اماني مشوفتش منها اي حاجه وحشه.

محمد اصل هي غرييه وقربتلك فجأه وبزياده اوي علشان كده مارتحتش لها مش أكتر.

ادهم انا طبعا لازم ادرس الموضوع ده جواز مش هزار.

محمد انت ناوي علي جواز.

ادهم انت عارف انا ماليش في جو الصحاب دي والكلام ده فاهمني طبعا.

محمد انا افتكرتك هتصحبها يومين وبعدين تروح لحالها لكن جواز انت تستاهل بنت احسن منها ميت مره فاهمني.

ادهم تعالا نطلع نبص نشوف بابا صحي علشان نطمن عليه.

محمد اتفاجأ ان ادهم قطع كلامه قاله يلا بينا.

طلعوا خبطوا علي الباب ودخلوا.

محمد عمي فريد قلقتنا عليك ياعمي.

فريد عمك أسد ياولد وجامد اوي.

محمد ماانا عارف علشان كده شايفلك عروسه قمر وصغننه وموزه ياعمي.

فريد بس قليل الادب هو انا بتاع الكلام ده.

محمد لو مافكرتش هتجوزها انا وامري لله اصلها حلوه اوي فهمني انت هه

محمد فضل يضحك مع عمه فريد وادهم قاعد معاهم شارد بيضحك علي كلامهم بس لغايت مجاله تليفون خلاه خرج من اوضه والده

ادهم الو....

اماني الو ياادهم انت مشيت فجأه ليه.

ادهم مين قالك.

اماني جاسمين.

ادهم مقالتلكيش ان بابا تعب ومشيت علشانه.

اماني لا مقلتليش.

ادهم مافيش مشكله.

اماني ماله فريد بيه الف سلامه عليه.

ادهم مافيش الضغط والسكر مش متظبطين بس.

اماني اجيلك.

ادهم لا لا متتعبيش نفسك.

اماني لا لازم اجيلك اطمن علي عمو.

ادهم صدقيني هو بقي بخير.

اماني خلاص تمام ابقي طمني بقي علي عمو انت هتنزل الشغل بكره.

ادهم اه طبعا اكيد بس ما فيش اكل في الشغل تاني.

اماني ليه بس يعني معجبكش.

ادهم لا ابدا بس علشان احنا في شركه وماينفعش حد من الموظفين يشوفوني بعمل كده هيعملوا زي.

اماني طيب ماانت ومحمد بتفطروا في الشركه.

ادهم انا ومحمد مش موظفه عندي حلوه زيك ينفع حد يتكلم عليكي.

اماني خلاص لو كده ماشي هه.

ادهم يلا سلام علشان ادخل أشوف بابا.

اماني هو انت سايبه لوحده.

ادهم لا طبعا محمد معاه.

اماني هو محمد ده معاك علي طول كده.

ادهم اصلك متعرفيش محمد ده اكتر من اخويا.

اماني تمام سلام.

قال محمد اكتر من اخويا كمان

سها هههههههه مالك يا حلوه بتكلمي نفسك هو لحق.

اماني بكره تشوفي موني هتعمل فيه ايه.

سها بيتهيألي ادهم مش زي الرجاله الي ضحكتي عليهم قبل كده.

اماني قصدك ايه يعني.

سها قصدي ان ده بيفتح بيت وجواز يعني وانت مالكيش في الجواز.

اماني هشوف حسب الزبون اهم حاجه اوصل لكل الي هعوزه منه وبعدين نشوف موضوع الجواز ده.

سها صدقيني ادهم غيرهم ده راجل جانتي خالص ابن ناس اوي يعني

اماني وانت مالك ياختي هو انت معجبه بيه ولا ايه.

سها بق*ف لا وهو انا هعرف اخد منك حاجه.

اماني اه بحسب.

هدير في بيتها..

سحر والده هدير ايه يا بنتي هتفضلي يا بنتي قاعده كده حاطه ايدك على خدك.

هدير طيب هعمل ايه يا ماما.

سحر انزلي دوري علي شغل او حتي روحي لمريم صحبتك شوفيها وروحوا لعمك فريد اعرضي عليه الموضوع.

هدير ياماما انا اطردت واتهمني ابنه بالسرقه وانا والله مسلمه الاورق بنفسي انا مش عارفه اختفت ازاي من الشركه انا عارفه انها مصيبه كبيره وبعدين اخاف اروح لفريد بيه اأقابل ادهم هناك ويطردني تاني.

سحر طيب هتفضلي قاعده حطه ايدك على خدك.

هدير صعب اوي انا اروح اشتغل عند حد وانا عمري مااشتغلت غير عند عمي فريد هروح فين بس.

سحر طيب يابنتي قومي صلي وادعي ربنا يفك الكرب وظهر الحقيقه.

هدير انا هكلم مريم اشوفها هي كمان عامله ايه مريم ظروفها صعبه اوي ياماما.

سحر ربنا يظهر الحقيقه يابنتي منهم لله الي كانوا السبب.

هدير يارب يا ماما.