قساوه الحب

البارت التالت

اتمنى البارت يعجبكم

روايه (قساوه الحب ) البارت الثالث

بقلم✍️ ملك فريد لطفى

ادهم روح البيت وكان وشه منور ومبسوط وواضح عليه الفرحه.

فريد اهلا اهلا انت اول مره تخرج بعد الشغل انت كنت فين.

ادهم ابدا والله يا بابا ناس متعرف عليهم جديد موظفين في الشركه وقالولي انزل اغير جو معاهم قلت اجرب.

فريد وانبسطت اهم حاجه.

ادهم والله يا بابا يعني بس يمكن علشان اول مره اقا**هم وانت عارفني مابتعودش علي الناس بسرعه.

فريد اهه فعلا من وانت صغير مابتعرفش تاخد علي الناس بسهوله و محمد كان معاك.

ادهم لا والله يا بابا اصل محمد انت عارف له اصحابه الي بيقا**هم كل يوم بالليل ده له طقوسه الخاصة.

فريد الواد محمد نفسي اطمن عليه في بيته بدل صرمحته دي في النوادي وكل فلوسه مضيعها على المظاهر.

ادهم بابا سيبه يعشله يومين واكيد هيلاقي البنت الي تغير فكره عن الجواز.

فريد وانت كمان مش ناوي تفرحني بيك يا ادهم.

ادهم والله يا بابا اول ماالاقي البنت الي تحرك قلبي ومشاعري مش هتردد في الارتباط.

فريد نفسي اشوف ولادك قبل مااموت.

ادهم بابا متقولش كده انا مقدرش اعيش من غيرك انت يابابا النفس الي انت عايش بيه.

فريد علشان كده عاوزك تعمل عيله علشان متعش طول عمرك وحيد كده.

ادهم يا بابا عمري ماابقي وحيد وانا في حضنك.

فريد يابني العمر مابقاش فيه اكتر من الي راح وانا نفسي البيت يتملي حياه زوجه واولاد ليك وافرح بأحفادي وبنات الناس المحترمين الي شبهنا كتير انت تشاور بس.

ادهم متقلقش يابابا ان شاء الله هفرحك قريب بخبر حلو.

فريد ربنا يفرحني بيك وبأولادك انا طمعان اشوفهم بس.

ادهم ان شاء الله تفرح بيهم وتلعب معاهم كمان انت يابابا عاوز تسيبني انت كمان مش كفايه اتحرمت من امي وانا لسه عشر سنين.

فريد امك دي ست متتعوضش حنيه وشخصيه قويه وكانت ليه زوجه وام واخت عمري ما كنت الاقي واحده تعوض مكانها.

ادهم اهه انا عاوز واحده تخليني معرفش اشوف ست تانيه تعوضني عن الام والاخت وتبقي ليه زوجه تصوني وتصون بيتي.

فريد ربنا يرزقك بنت الحلال اللي تريح قلبك يا حبيبي.

ادهم قام باس راس ابوه انا هطلع انام لحسن انا كده انهارده سهرت اوي

فريد تصبح على خير يا بني وانا كمان هدخل انام.

ادهم طلع اوضه ودخل نام في سريره وعمال يفكر في كلام اماني ليه وهي فعلا معجبه بيه ولا ده حب.

وهو بيفكر في الكلام لقي رنه رساله علي موبايله مسك الموبايل ده هي موني.

اماني انت لسه مانمتش.

ادهم اه صاحي.

اماني انا زعلتك في حاجه انهارده في كلامي معاك.

ادهم لا ابدا له بتقولي كده انا مبسوط اني خرجت معاكي.

اماني اصلك قمت مشيت فجأه من غير اي مقدمات.

ادهم لا ابدا اصلي مش واخد علي الخروج والسهر برا البيت.

اماني يعني مش هشوفك تاني.

ادهم اكيد هتشوفيني في الشركه.

اماني لا في الشركه ادهم بيه مديري.

انا عاوزه اشوفك بعيد عن الشغل.

ادهم سكت للحظات اماني خاليكي صريحه انا مبحبش جو الخروج والاصحاب ده انت عاوزه مني ايه.

اماني ارتبكت انت اضايقت مني صح انا قلتلك اني من اول ما شوفتك وانا معجبه بيك ونفسي كنت اتعرف عليك أكثر انا بجد اسفه لو كنت ضيقتك في طريقه كلامي معاك وكده انا عرفه اني جريئه بس انا متعوده علي كده الي في قلبي علي ل**نه ومبحبش اخبي احاسيسي.

ادهم لا انا مش مضايق بس عاوز افهم اشمعنا انا بالذات الي لفت نظرك وبتحاولي تتقربي مني كده.

اماني انت عارف انك اي بنت لازم تشوف شخصيتك وانت في سنك الصغير ده لازم تعجب بيك بس انا مش هضيقك تاني مع السلامة.

ادهم بص للتليفون هو ايه الي انا قلتهولها ده ماانا كمان كان نفسي اكلمها واتقرب منها ليه بس صديتها كده انت غ*ي ياادهم.

تليفون ادهم بيرن محمد.

ادهم محمد بترن في وقتك.

الو ازيك يا باشا انت فين من بدري.

محمد ايه ده انت الي فين ولا سألت عليا من ساعت ماخرجت من عندكم كانك قلت بركه ياجامع هههههههه.

ادهم ده انا حصل معايا حاجات كتير اوي وعاوز احكيهالك بس هحكيلك براحتي الصبح في الشركه.

محمد خلاص اشوفك الصبح في الشركه اوعي تفطر من غيري.

ادهم عيب عليك مع السلامة.

اماني نايمه علي السرير وباصه للسقف ياترا الخطه هتمشي والحلو هيقع في المصيده ولا هيتعبني بس غيره كان اشطر.

سها نايمه جنبها انت ايه ياشيخه انت شيطان انت اي راجل تحطيه في دماغك لازم توقعيه

اماني لا ادهم مش اي راجل ده ابن المليونير المعروف ومش بس كده ده الوريث الوحيد لوالده يعني هيورث كنز علي بابا.

سها بس ابقي افتكرينا باي حاجه من الكنز ده.

اماني ولا هعرفكم تاني ياشله زباله انا مش عاوزه افتكركم اصلا.

سها اه يا واطيه وبتقوليها في وشي بس قوليلي هتعملي ايه في مصطفي حبيب القلب هتحطيه علي الرف تاني.

اماني ماانت عارفه مصطفى ده علي طول علي الرف عامل زي القرش البراني اللف اللف وارجع ادور عليه.

سها انت عارفه هو بيحبك وهو شبهك.

اماني بقولك ايه ريحي دماغك انا عاوزه اتجوز راجل يدلعني مش عاوزه احس بأي حاجه نقصاني في يوم من الايام وادهم الوحيد الي هيضمنلي مستقبلي.

بقولك ايه ياتنامي ياتقومي تروحي انا هنام انا عندي شغل الصبح.

سها لاء هقوم اروح كفايه عليا قاعده معاكي للوقت ده.

اماني احسن يلا سلام.

سها بصتلها بق*ف وقام خرجت وروحت.

نامت نامت وصحيت الصبح علي صوت المنبه....

ادهم هو كمان قام علي صوت المنبه.

ادهم ياترا هتيجي انهارده ولا زمانك زعلانه من كلامي ليكي امبارح.

اماني في بيتها ياترا هتقابلني ازاي انهارده بعد حوارنا الاخير امبارح هتحاول تصالحني ولا هتطنشني وكأنه محصلش حاجه.

ادهم انا مش عارف كنت بكلمها كده ليه بس لو اني عندي نفس الاحساس اتجهها.

اماني بس علي مين يابت ياموني انا هخليه ينطق بنفسه.

ادهم انا هحاول أصلح الموضوع وعاوز امهد الموضوع لبابا.

اماني يلا بينا علي الشغل وربنا يقدرني علي محمد الي واقفلي زي العضمه في الزور.

ونزلت اماني علي الشركه ووصلت لمكتبها.

وادهم نزل لباباه.

فريد اقعد افطر يابني.

ادهم معلش يا بابا سمحني انهارده محمد مستنيني وهيزعل لو سيبته يفطر لوحده.

فريد انهارده بس انا مابعرفش اكل من غيره.

مم غيرك.

ادهم باس راسه انهارده بس هو قاليلي من بالليل.

اماني في الشركه هاي يا جاسمين.

جاسمين هاي ايه الي جايبك هنا ادهم بيه لسه ماوصلش.

اماني اه ماانا عارفه.

جاسمين طيب ماتروحي علي مكتبك واقفه هنا ليه انا مش عاوزه ادهم بيه يجي هنا ويضايق انا مش عاوزه مشاكل.

اماني مش بعيد يكافئك

جاسمين ياسلام مكافاه مره واحده.

اماني وسعي بقي علشان احضره الفطار هو علي وصول وعاوزه يلاقي الفطار جاهز.

جاسمين مستر ادهم مابيحبش حد يخش مكتبه وهو مش موجود.

اماني بطلي رخامه بقي انت عاوزه تبوزي المفاجئه.

جاسمين مفاجاه انت في شركه ياانسه ايه الي بتعمليه ده انت كده صوتك بيعلي وهتعمليلي مشاكل لو مستر ادهم وصل وسمع صوتك عالي هنا هو مابيحبش الصوت العالي.

محمد دخل علي صوتهم....

في ايه يا جاسمين ايه الصوت العالي ده ايه يا انسه الي جابك هنا مابتشوفيش شغلك ليه.

اماني وقفت تبص بغيز لجاسمين وبضيقه

محمد مابترديش ليه فيه ايه يا جاسمين ماتردوا.

جاسمين انا والله يامستر محمد مش فاهمه م**مه تدخل مكتب مستر ادهم عملاله فطار ومفاجأه وحاجه غريبه.

محمد الله الله انت فاكره نفسك في حديقه الاندلس هنا احمدي ربنا انه مستر ادهم ماوصلش كنتي اترفدي من شغلك يلا علي مكتبك.

اماني بضيقه خرجت من المكتب وبعصبيه مش شايفه قدمها خارجه بسرعه خبطط في حد وهي مش شايفه.

ادهم اماني مالك في ايه.

اماني جريت علي مكتبها وفضلت تعيط.

ادهم مالها دي دخل لقي جاسمين ومحمد وقفين وبيبصوا عليها،

ايه مالها دي.

محمد انت فين يا عم الهانم عملاك فطار وعاوزه تعملك مفاجأه بس جاسمين مارضيتش تدخلها مكتبك

ادهم اتفاجأ من كلام محمد وفي نفسه المجنونه .

محمد ايه سرحت في ايه.

ادهم مافيش بس طيب تعالا ندخل جوه.

محمد يلا بينا ودخلوا المكتب

مالك ياادهم في ايه انت ساكت كده ليه.

ادهم اصل انا واماني يعني.

محمد اماني مالقتش غير دي.

ادهم قصدك ايه يا محمد انت شايف عليها حاجه.

محمد لاء انا مقدرش اظلمها دي بنت ناس بس مش شبهك ياادهم حاسس انها متفتحه اوي دي اخرها تصاحب دي ماتفتحش بيت ياادهم.

ادهم بس انا اول مره بنت تشدني وتحرك قلبي.

محمد دي عامله زي الورق الملون الي بتجذب العين وبس والبريق ده هيروح بعد كده بعد الجواز ده لو هيا نيتها في جواز اصلا.

ادهم يا محمد متتصرعش في الحكم عليها ارجوك انا برده يهمني رايك.

محمد وانا هحاول اغير رأي.

ادهم ابتسم طيب ابعتلها تفطر معانا.

محمد بأستغراب من ادهم تمام.

ادهم كلم جاسمين....

جاسمين ابعتي لاماني خاليها تيجيلي المكتب

جاسمين ايه معلش يامستر ادهم بتقول ايه.

ادهم بقولك ابعتي لاماني وخاليها تجيب الفطار معاها.

جاسمين اوكي تمام.

اتصل على اماني.

اماني نعم.

جاسمين مستر ادهم عاوزك في المكتب اهه بيقولك هاتي الفطار معاكي.

اماني مش قولتلك.

جاسمين هو منتظرك.

اماني ياس السمكه وقعت في الشبكه هههههههه هههههههه.

اماني راحت لمكتب ادهم وبصت لجاسمين بصت انتصار.

جاسمين شاورتلها بأيدها ادخلي.

اماني دخلت لقت ادهم ومحمد قاعدين ومحمد بيبصلها بصات وبيقول في سره ياملعونه حيه وبتلف عليك يا ادهم.

ادهم تعالي ياانسه اماني اتفضلي

ماتزعليش اصل محمد وجاسمين مكانوش يعرفوا انك عزماني علي الفطار.

اماني انا كنت عوزاك تدخل تتفاجأ بالفطار.

ادهم يلا بقي انت جوعتيني انا ومحمد يلا.

اماني بفرحه اوكي يلا بينا ساعدوني يلا.

ادهم قام يساعدها ومحمد قاعد يتف*ج عليهم.

ادهم يلا يامحمد الفطار شكله يجنن تعالا قرب.

اماني انت هتندم لو مقربتش علي الاكل.

محمد خد نفسه وطلعه بضيقة مش قادر ياادهم بصراحه انا هروح علي مكتبي وهبقي اجيلك نشرب القهوه مع بعض وخرج.

اماني هو ماله ده.

ادهم كلي يلا سيبيه براحته انا هفهمه كل حاجه.

اماني طيب انت مش زعلان مني صح.

ادهم انا بالع** انا مبسوط وانا معاكي وزعلت لما لقيتك بتعيطي بس لازم تعرفي اننا في شغل.

بعد كده مافيش فطار في المكتب تاني اوكي يا موني.

اماني بدلع اوكي

ادام قولت ياموني يبقي انت مش زعلان مني.

ادهم لا طبعا مقدرش ازعل اهم حاجه يلا بقي علي مكتبك احنا في الشغل.

ادهم اتصل على محمد ايوه يا حماده مستنيك نشرب القهوه مع بعض.

محمد بص للتليفون حماده ماشي جايلك ياابن عمي فريد.

البت الي أسمها اماني دي شكلها مش سهله وطمعانه فيك وآلله ماهسيبك يابنت اللذينه هفضل وراكي لغايت ما اكشفك علي حقيقتك.

راح محمد علي المكتب.

جاسمين مستر محمد هو ايه اللي بيحصل في الشركه ده.

محمد بصي يا جاسمين مجبرين نستحمل الهم ده لغايت ماتغور بس لازم تركزي معاها.

جاسمين هي ممكن تعمل حاجه معايا ولا ايه.

محمد لو لقتك وقفه في طريقها للوصول لهدفها ممكن تطيرك من وظيفتك ياحلوه ركزي اوي معاها فاهمه.